A VIDA UN FRENESÍ

OBRA COMPLETA: A vida un frenesí (Acceso só con código)

04
02
01
12 (non)

A OBRA:

LOL e POP viven unha vida gris traballando nun almacén. A través dunha viaxe pola súa imaxinación, móstrannos o paso do ser humano pola vida, dende a máis tenra infancia ata o ocaso da vellez.

A nosa asneira condúcenos a unha pronta extinción? Poderemos salvarnos? Esta tola parella de pallasos conta cunha receita para sobrevivir neste frenesí chamado vida: abrir o corazón e non parar de xogar e rir.

Espectáculo de comedia clown para tódolos públicos que trata o paso do tempo, dende a infancia ata a vellez, a familia e a actualidade socio-política en clave de humor. A trama teatral, que interactúa co público, está dividida en sketchs cómicos

• Duración: 70 min

ELENCO:

MANUEL «LOLO» CASTRO LIMA: Cómico de nacemento con 34 anos de experiencia de pallaso, co seu personaxe «Lolo» leva percorridos moitos concellos por galicia con diferentes espectáculos de escenario e de rúa. Formado con mestres da categoría de Jango Edwards & Peter Ercolano, Leo Bassi, Luis de Matos, Güido Verhoef,.. Clown, animador, contacontos, escritor de literatura infantil, editor, director e guionista de espectáculos infantís, mago, risoterapeuta, formador de profesorado e tempo libre, zancudo, artista de esculturas con globos, mediador social, xerente e fundador da empresa Barafunda s.l…..Toda unha vida adicada a comunicación, as accións sociais e a risa.

ADOLFO «POPÍN» MAGUNA STRASSER: Cómico de nacemento con 48 anos de experiencia de clown que co seu personaxe «Popín» fixo rir a decenas de miles de persoas. Pasou por case todos os escenarios das 4 provincias galegas, España e Portugal. Actor de teatro, de TV, de curtametraxes, guionista e director de teatro, realizador de radio e TV, locutor, presentador, reporteiro, organizador de eventos, humorista, mago, clown, coordinador de xogo dramático, risoterapeuta e creativo publicitario… Todas realizacións da súa vida cos mesmos denominadores comúns: a comunicación, a expresión e a risa.

DAVID ALONSO: Actor, pedagogo teatral e creador escénico, traballa principalmente no eido do teatro e as artes do movemento. É Titulado Superior en Arte Dramática na especialidade de Teatro Xestual pola ESAD de Galicia. Se diploma no curso regular bianual da escola Internacional de Mimo e Teatro Xestual Nouveau Colombier e formou parte do Laboratorio de investigación teatral Aves Migratorias De Madrid. Fórmase complementariamente en cursos con directores de gran prestixio nacional e internacional como Roberta Carreri, Marta Pazos, Andrés Lima, Martín Peña, Hernán Gené ou Jeremy James. No centro Conde Duque estrea catro producións de artes do movemento. En paralelo intégrase na compañía madrileña Producciones Kepler, onde fai unha investigación dun ano sobre traxedia grega e forma parte do elenco e a creación da peza Alaejos; Pocos y Lejos, estreada no Teatro del Barrio. Dirixe a peza de mimo Arrugas de Metal, que gaña o premio a mellor espectáculo no 2º Certamen de Microteatro Islazultura. Xa en Galicia, participa nas Residencias Paraíso coa investigación Shelter, sobre a relación entre corpo e a arquitectura. Dende o 2019 é profesor da área de movemento da escola Actores Madrid e profesor e xefe de estudos de AM Vigo.

BARAFUNDA

BEATRIZ DE VEGA: Arquitecta e Titulada Superior de Arte Dramática na especialidade de Escenografía, compaxina a súa formación cunha variada experiencia profesional como Escenógrafa e Iluminadora. Traballa con compañías do eido galego como A Panadaría, Butaca Zero, Teatro o cubo, Aporía Escénica, Inversa Teatro, Xerpo, aveLina, Avento, De Ste Xeito…Tamén como técnica de escena traballa en numerosos espectáculos de teatro, danza, musicais ou galas. Colabora con grupos de creación visual para concertos de músicos e bandas en directo. Participa en residencias artísticas de creación escénica.

NOEMI BLANCO (voz e guitarra)

PAULA MARZOA (deseño gráfico e fotografía)

VÍDEO PRESENTACIÓN: